Adelfos

Tahrik ni 16, Pathian Ni tak kha khawvelin kum 2024 a Pate ni a tana a lo tih kha a ni a, kan sipai pawl thiante chuan pate ni lawmna turin bawlhlo an phur chhuak tliar tliar hlawm a, thuziak mawi tak tak nen, pangpar leh thilpek nen an theih ang ang in naupang ho in an pate an chawimawi bawk a, a mawi ka va ti tehlul em, a mawi ka ti a ni mai lo a, a ropui a, a ropui satliah lo a a ropui tak zet a ni zawk. Kei in ropui takzet ka tih vang a ropui a ni lo a, Pate hlutna min hriat chhuah tir leh zual avangin a mawiin a ropui leh zual ka ti a ni. Ni e, ka pa hi mitan chuan eng a nilo tawp ang, pa thin ram ve tak, tawng liam ve mai, tawngkam mawi hawih neilo, aw ki sang vah mai, chapo vang ni hauhlo a thilsawi thiam loh vang a indah sang ar emaw tih mai tur, engpawh sawi se a ngaithlatuten an dawn sawn dan tur lam dawn thiam hauh lo, ama tawk a tawngkam thiam riau a inhria, mahse min an lawm hauhlo te pawh a ni ve mahna. Mahse ka pa hi pa a zawnga pa ropui ber a ni ka tilo phal lo a, a...

 A sakhming lengtin awih nana an chawi, Pipu chena kan chawi Tlawmngaihna hi, Zofa tualtin kawtchhuah thantu hming mawi, A thang vel chiam e Zonun ze mawi hi. A chhawn hem a na em ni an kiang e, Anpai val rual Zo tlangval hma an maw! Lungngaihna chhum romei iang an kiang e, Thihngam lupu val ten hma hruai ang maw Leilung ngawila awm hle hle mai ta che, Mangang au rawl an val an tho kang e, Thihna kiangla ngawi hle hle mai ta che, Tlawmngaihna silh bel val an tho kang e, Riakmaw iang a vai Zofate thingthiang, Tlawmngaihna ngei hi zofate thingthiang  

Literature khawvela chen hi nuam ka ti a, a ramri a zau a, a khawthlir a zau thin, mupuite hamdam taka van lai zawla an thlawk delh delh ang mai hian, literature huangah chuan zalen takin ka thlawk delh delh fo a, ka duh leh lem chan ka zir a, Arts mawina thuruk leh Science ropui zia ka kaikawp a, Pathian thilsiam ropui zia atanga a thilsiam mihringte zinga mi bik te nen kan hampawlh in, kan duh dan danin khawvel duangin, siamtu ah kan insiam ve mai thin, chu chu a ni ka sawi thin, Ziakmite hahchawlhna, mafaa ten Chawlhna daihlim an lo tih fo chu ni, lungkhamna salbeh, retheihna chhawr fe, beidawnna hliam hnu te pawh hian he literature zinkawng an zawh rual hian thil danglam an tawng thin a, hringnun hrualhrui an bah a, Kristiana ang mai a an phurrit phurh lumbo nan an lo hmang tawh thin a sin, literature chuan hreawmna hi tawnhriatah min chhuahsak a, mittui te hi hriatrengna lungphun atan a hmang thin zu nia, tuemaw chuan, ka tahna muttui hian kawlawm chawinan thahrui min pe a lo ti h...

Leilung dan hian chatuan a damna a keng silo a, Engtikniah emaw chuan kan laia hming lama mi kohna hi, Kan hriatna beng ten a thawm an hre phak ve tawhlo ang a! Chatuana kohna Aw ri zawk chhawn tawh turin, Kan thlahtute lemzo tu lei daiah hian min la zalh ve ngei dawn a, Chu hun lo thleng tur chu nghakin thlantui sengin kan thawk a, Neihloh hlauin rualawhna thangah kan tang a, Malsawmtu aiin a malsawmna hi kan ât pui leh mai thin, Thamral leh mai turah hian engmah a kumhlun dawn silo!! Mahse kumhlun lo tur um hian kan phe vek chu a ni si. Hringnun hi chu chhiar thiam a va har ṭ hin tak em!

  Ni a ral in kum te a vei leh ang a, I laia hming ngei pawh hi nghilhni a la awm ang i zunzam ngei pawh hi a la zam ral ve ang a. Hriatrengna kil khat erawh i luah fo ang, Ani kha chu tih i ni tawh thung ang a. A ni a sin, chu chu lei dan a ni, Pakhat a kal a, midang an lo lang thin ang hian. Engkim hi nghilh ni a la awm mahna, Mahse hei erawh hriatreng a ni ang. Nang vang a thu leh hla piang zawng hi. Chhiar a nih chang in i hmel kan thlir ang a, Chin leh a nih changin i hlutna a zual thin ang. Kharkhip nun hi kan la thlir let ang a, I thinlung kharkhip zawk khan min la vel ang, Engvang nge tiin min la chhal ang a. Huaisenna pailo hmangaihna thal mu, Kau ngam lo val thangtlawm an la ti ang, Thang ngul valh ngamlo kawlawm phentu, Hla chham a inhnem a in awitlei tiin, Chhanna zawng zawng a reh tawh ang a, Zai hla chham te pawh hi a chawl tawh ang. Biahzai chhawna kan inlem na te hi, Hriatreng hlawh lo kaihbu chher ang in, Hnawm tin zingah ala thamral dawn si. A tawpna hian tawpna a...

  Thil engkim hi thlir dan chi hnih a awm a, Zu pawh hi thlirdan  chihnih a tanga thlir theih thil tamtak zinga pakhat a ni a. Thlir dan chihnih awm atanga ngaihdan kan siam theih nan, kim chang leh thu laila thei angber a sawi ve kan tum dawn a ni. Engpawh nise, Zu chungchang kan sawi dawn a ni a, mahni irawm chhuak a sawi mai ai chuan mite lo sawi dan leh tehfung diklo theilo a kan ngaih Bible bel chungin sawi kan tum ve dawn teh ang. A hmasa berah chuan zû hi kan ngai ropui lutuk a.Chuvangin, a in țhin te pawh hian kan in tihtheihpui zawk za mah emaw tih mai tur a nita in a lang. Zu hi mi zawng zawng hian engah mai ngai ta lo ila, ngai thupui lo ta ila chuan tun ai hian khel a hlawhlo ngeiin ka ring.  Kan kristianna hian zû hi do tak tê in a do si a. Zû a do ang hian eirûk hi a do bawk si lo. Chuvangin, heti khawpa kan do Zu hi enge a nih chiah tih hi a tawi thei ang bera sawi tum ta ila a tha awm e ( Tawite tak tak chu a ni theilo). Ka thil ziahah hian Zû thlavang hau...

  Tue maw chu daidanna bang sangtak karah awm chung siin I hmangaih tlat   tawh thin em? I chhungril ngaihtuahna aluah a, mahse au chhuah pui turin chakna I nei silo, chakna chu nei ngawt mahla huaisenna I nei silo, huaisenna pawh chuan in thuam tehreng la chan hlauhna avangin I nihna ramri chu I kan ngamlo thin em? Heihi hringnun chu a ni a, heihi thang duhawm tak maimichhinga mi tam takin an pal per thin chu a ni!! Hmangaihna hi.. Amah Rev. Lalpeklien Sungte tawngkam hawhin, mahni rilru ngei pawh hi a insual a insual ve fo, a lo tih ang hian, keimahni a   keimahni ngei hi a insual thin a, thang duhawm tak chu thang a ni tih hre reng chung pawha maimitchhing a dai mai hi a chakawm chang a awm thin. Kan duhthlanna hi chu a tluk der chang a awm a, Sakhi thang awk ang maia atan chang a awm thin, kan dai chuan kan talchhuak dawnlo tih hi Luka ziak tluka chiang nimahsela pal per mai hi a chakawm thin a, tamtakin an palper a, tifuhta leh tifuhtalo pawh an awm ngei ang, chuv...

Zanin chu finna hi khawiah nge a awm? Tih ngawt mai hian zantir atangin ka ngaihtuahna a luah a, Perhpawng kua kan birh a, loh theihloha a tawmbuk a chhuah san ang mai hian thawm chhuah lo theilo in ka ngaihtuahna a birh tlut tlut mai si a, ka ngaihtuahna zam vel chu ka sawi avanga hekna tur a awmloh tluk zetin han dinchhuahpui tham hlawkna pai pawh a nilo, mahse hetia han dahthat hian Finna ngaihtuah hian at ka lo so ve tawh tih tal a tichiang deuh ang chu.. Evidence ber hi tunlai khawvel ngaih pawimawh a nisi a. Ni e, Finna hi han ti hluai ila, a ropui a, a ngaihsan awm a, a ngaihsan tlak a, a zuitlak a, a chhuanawm a ni. Mi a ai chuan mifing nih chu a tha zawk a, a chhiat dan berah pawh fing phakar a la ni hram a, chung pawh chu miin a neih chuan ama tan a hlawk thlak em em tho a ni. Ngawiteh u, Mizo upa pawhin Artial fina fin thu te pawh an lo sawi tak e, chu pawh chu a chhiat dan berah pawh ama tana hamthatna chu a la lei zo ta reng reng tho a, a chhe ber pawh chu tunlai khawvel...

  I would like to give my heartfelt gratitude to all newly graduated students of Calvary Bible college, 2023. Its been a long year since your a part of CBC, its give me a lonesome moment, i proudly recall the day while i have a fresher speech to welcome you in 2021 to become a CBC family members. I give an honor for your sacrifice and hard work to success in your studied, at the same time i would like to give you all some advices, if i am not fit to be. First of all, don't loose your guard and be careful in whatever you do. Satan always find a loopholes to attempt and to ruin your work for the kingdom of God. Secondly, humanity is the vital point of Jesus teaching, so that, remember and hold that teaching in every possible way. Your local churches, section or district will give you an honor for your degree, the people may praise you like the palm day of Christ, at that time, remember that when the praise hill is high, the fallen valley will be more wide. Therefore, wear humanity in...

Johana 3:5 thua piantharna bawk hi in khel leh teh ang, keini ang tan chuan mahni hriatna mai a thu leh hla han nei ve ngam tur zia zang kan nilo a, chuvang chuan mithiam zawkte thuziahsa kaltlangin, kan thai ve ngam tawk a ni tih hi hre ta ila, zan hnih khat mut theihloh avanga ngaihdan thar lo piangta hluai emaw, mahni lo inzir ve dan leh hmuh ve dante kan sawi tam avanga dikta vek emaw kan tih mai thinna khawvelah hian hawi her kan zauh ve zel a tul a ni tih hi hrethar leh ila a lawmawm leh zual ngei ang. Pathian thlarauin min han thuam a, kan thusawi ngaithlatuten keimahni leh keimahni a thlarau awm avanga min ngaihsan a, min dahsan lai taka kan duh dan leh pawm dan, Bible zirtirna nia kan ngaih mi thinlunga tuh mai hi thil awl tak, mahse hlauhawm em em si a ni a, heng avang hian mi tamtak an lo kalsual tawh thin a, Pathian mite kan fimkhur atul tak zet thin a ni. Kan thusawi lo ngaithlatute thlarau nun hi kan kutah thui tak a awm a ni tih kan hriat reng a tha awm e. Awle, ziak hma...

Pathian thu hi hrilhfiah ngai a ni a, a lan ang mai nilo a thuruk inthup tam tak awm thin a ni a, chuvang chuan zirtirna (doctrine) anga sawifiah leh hrilhfiahna ah phei chuan fimkhur a tul em em a, chutih rual erawh chuan mahni awnlam neisa ran a, midang thiamloh chantirna tur tawk lek lek a hrilhfiah mai erawh thil himlo tak a ni thei lawi si, Paul hian zirtirna diklo hi a vei em em a, timothea hnenah chuan, 1 Timothy 4:16 "Nangmah leh i zirtirnaah chuan fimkhur la; chung thil tiin awm reng rawh; chutiang tiin nangmah leh i thu ngaithlatute chu i chhandam dawn zuk nia." A lo ti hial a nih kha, kan thu zirtir leh kan awm dan hian kan thu ngaithlatute thlarau nun a nghawng avangin, kam thatna leh kam thiamna avanga mahni ngaihdan a Pathian thu hrilhfiah a, rilru a awnsa nei chunga mite zirtir hi thil hlauhawm tak a ni tih kan hriat nawn fo a tha awm e. Tunlai hian Whatsapp group thenkhatah, min hringtu kohhran (UPCI) zirtirna ken sa duhkhawp loh vang nge, mahni ke a dinga zi...