Adelfos

 THIANGHLIMNA Pu Hmangaihkima'n thusawi awih hlawhlo a tih ang deuh in, thusawi zawm hlawh lo ber pakhat ni a ka hriat chu Thianghlimna chungchang, a bikin  zuk leh hmuam a thianghlimna sawi hi a ni awm e, Sawi chakawm loh, sawitu nih phur awm loh, sawi ngai si ni te hian ka hmu ve thin a. Zep nak emaw, a sawitu nih hi chu archuk tuilo a insiamna awlte ni te pawhin a lang ta, sawi chhuah ruala min vawm letna tur dawl zo tura inbuatsaih leh nghal ngai thil a nih avang hian, kan Pastor te zingah pawh hian sawi tha ngamlo an ther fer fur awm e, rilru khingbai ru tak, Kohhran damloh hlau si, mi rilru tihnat hlau si, Kohhran dan zawm loh hlau bawk si hian, patling hi khum laizawlah an heiha ru fo hian ka ring thin. Hetiang hi thianghlimna avanga kan tunlai rawngbawltu te dinhmun leh kohhran nihna diktak niin ka hria a, sawi chakawm loh em em mah nise, mi thahnemngaite ngenna avangin, sawi ve kan tum dawn a ni a, thusawi zawm hlawhlo ber leh a sawitu ten sel an hlawhna ber anih avan...